Xəbərlər

ETİHİ üzvləri Müəllimlərin XXII Yay İdman Oyunlarını 6 medalla başa vurublar

Bolqarıstanın Albena şəhərində keçirilən Müəllimlərin XXII Yay İdman Oyunlarına yekun vurulub.

Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirak etdiyi beynəlxalq yarışlarda Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqının (ETİHİ) təmsilçiləri uğurlu nəticələr əldə ediblər.

ETİHİ təmsilçiləri yarışları 4 birincilik və 2 üçüncülük olmaqla, ümumilikdə 6 mükafatla başa vurublar.

Mini-futbol üzrə komandamız final görüşündə Polşa təmsilçisini 5:4 hesabla məğlub edərək turnirin qalibi olub.

Stolüstü tennis üzrə komanda yarışlarında qadınlardan ibarət komandamız 1-ci, kişilərdən ibarət komandamız isə 3-cü yeri tutub.

Qadınlar arasında stolüstü tennis üzrə fərdi yarışda Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rüfət Əliyeva 1-ci, Xətai rayonu 56 saylı tam orta məktəbin müəllimi Xəyalə Qiyasova isə 3-cü yeri tutub. Şahmat üzrə fərdi yarışda isə Şəmkir rayonu Kimya və Biologiya Təmayüllü Liseyinin müəllimi Bünyad Əsgərov 1-ci yerə layiq görülüb.

Sonda qaliblər Bolqarıstan Müəllimlər Birliyinin prezidenti Yanka Takeva, Bolqarıstan Müstəqil Həmkarlar İttifaqları Konfederasiyasının vitse-prezidenti Todor Kapitanov, Bolqarıstan İşçilərinin İdman və Sağlamlıq Federasiyasının prezidenti, Balkan İşçi İdmanı Assosiasiyasının vitse-prezidenti Desislava Yagodin və Varna şəhərinin meri Blagomir Kotsev tərəfindən kubok və medallarla təltif olunublar.

Beynəlxalq yarış təhsil işçiləri arasında sağlam həyat tərzinin təşviqində, eləcə də həmkarlar ittifaqı üzvləri arasında dostluq və əməkdaşlıq əlaqələrinin inkişafında mühüm rol oynayır.

Qeyd edək ki, 2004-cü ildən etibarən keçirilən bu yarışlarda Ümummilli Lider Heydər Əliyevin anadan olmasının ildönümünə həsr olunmuş respublika idman yarışlarında yüksək nəticələr göstərərək seçilmiş ittifaq üzvləri iştirak edirlər.

ETİHİ üzvləri Müəllimlərin XXII Yay İdman Oyunlarında uğurla çıxış edirlər

Bolqarıstanın Albena şəhərində Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirakı ilə Müəllimlərin XXII Yay İdman Oyunları keçirilir.

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqının (ETİHİ) üzvləri də bu beynəlxalq yarışlarda iştirak edirlər.

Azərbaycan təmsilçiləri mini-futbol, stolüstü tennis, basketbol, çimərlik voleybolu və şahmat olmaqla 5 idman növündə mübarizə aparırlar.

Avqustun 27-28-də keçirilən yarışlarda ittifaq üzvlərimiz bir sıra uğurlu nəticələr əldə ediblər.

Mini-futbol üzrə komandamız qrup mərhələsini 6 xalla başa vuraraq yarımfinala yüksəlib. Yarımfinalda Bolqarıstanın “Vraça” komandasını 3:1 hesabı ilə məğlub edən təmsilçilərimiz finala vəsiqə qazanıblar.

Stolüstü tennis üzrə qadın və kişi komandalarımız da qrup mərhələsində keçirdikləri bütün qarşılaşmalarda qələbə qazanıblar. Qadınlardan ibarət komandamız 6 xalla, kişilərdən ibarət komandamız isə 8 xalla qrup mərhələsini lider kimi başa vuraraq final mərhələsinə yüksəliblər.

Şahmat üzrə fərdi yarışlarda Şəmkir rayon Kimya-biologiya təmayüllü liseyin müəllimi Bünyad Əsgərov I yeri tutub. O, həlledici qarşılaşmada Polşanın “ZNP” komandasının təmsilçisinə qalib gələrək yarışın qalibi olub.

Qeyd edək ki, Müəllimlərin Yay İdman Oyunları 2004-cü ildən etibarən ənənəvi olaraq hər il Bolqarıstanda keçirilir. Oyunlarda Ümummilli Lider Heydər Əliyevin anadan olmasının ildönümlərinə həsr edilən ölkədaxili idman yarışlarında yüksək nəticələr göstərərək münsiflər heyəti tərəfindən seçilən ittifaq üzvlərimiz iştirak edirlər.

Yarışlar avqustun 30-dək davam edəcək.

Azərbaycan Respublikasının Birinci vitse-prezidenti Mehriban xanım Əliyevanı doğum günü münasibətilə təbrik edirik!

Hörmətli Mehriban xanım,

Sizi doğum gününüz münasibətilə Elm və Təhsil İşçiləri Həmkarlar İttifaqı Xəzər Rayon Komitəsi adından dərin hörmət və ehtiramla təbrik edirik.

Sizin dövlətçilik fəaliyyətiniz, insan amilinə və sosial rifaha verdiyiniz xüsusi önəm, təhsil, səhiyyə, mədəniyyət və humanitar sahələrdə həyata keçirdiyiniz mühüm təşəbbüslər Azərbaycan cəmiyyətinin inkişafına və milli-mənəvi dəyərlərimizin qorunmasına dəyərli töhfələr verir.

Rəhbərlik etdiyiniz Heydər Əliyev Fondunun həyata keçirdiyi sosial, humanitar və mədəni layihələr, milli irsimizin qorunması və Azərbaycanın dünyada layiqincə tanıdılması istiqamətində fəaliyyəti xüsusi təqdirəlayiqdir.

Hörmətli Mehriban xanım,

Bu əlamətdar gündə Sizə möhkəm cansağlığı, uzun ömür, ailə səadəti və Azərbaycan dövlətinin və xalqının rifahı naminə məsuliyyətli fəaliyyətinizdə yeni-yeni uğurlar arzulayırıq.

Doğum gününüz mübarək olsun!

229 və 61 nömrəli körpələr evi-uşaq bağçaları üçün Quba rayonuna səfər təşkil olunub

ETİHİ Xəzər Rayon Komitəsi tərəfindən 229 və 61 nömrəli körpələr evi-uşaq bağçalarında çalışan Həmkarlar İttifaqı üzvləri üçün Quba rayonuna səfər təşkil olunub. Səfər zamanı ittifaq üzvləri Qubanın təbii gözəllikləri ilə tanış olub, rayonun müxtəlif məkanlarında olublar. Qubada keçirilən gün kollektiv üzvləri üçün xoş əhval-ruhiyyə və maraqlı təəssüratlarla yadda qalıb.

Səfər iştirakçıları göstərilən diqqət və dəstəyə görə Azərbaycan Həmkarlar İttifaqları Konfederasiyasına və Azərbaycan Elm və Təhsil İşçiləri Həmkarlar İttifaqına minnətdarlıqlarını ifadə ediblər.

78 nömrəli körpələr evi-uşaq bağçası Quba rayonuna səfər edib

ETİHİ Xəzər Rayon Komitəsinin təşkilatçılığı ilə 78 nömrəli körpələr evi-uşaq bağçasında çalışan Həmkarlar İttifaqı üzvləri üçün Quba rayonuna maraqlı və yaddaqalan səfər təşkil edilib.

Səfər çərçivəsində ittifaq üzvləri Qubanın füsunkar təbiəti və gözəl mənzərələri ilə yaxından tanış olub, rayonun müxtəlif görməli və maraqlı məkanlarını ziyarət ediblər. Səfər iştirakçıları üçün təşkil olunan bu istirahət günü xoş əhval-ruhiyyə, səmimi ünsiyyət və zəngin təəssüratlarla yadda qalıb.

Kollektiv üzvləri göstərilən diqqət və qayğıya görə Azərbaycan Həmkarlar İttifaqları Konfederasiyasına və Azərbaycan Elm və Təhsil İşçiləri Həmkarlar İttifaqına təşəkkürlərini bildiriblər.

6 nömrəli internat məktəbinin kollektivi Quba rayonuna səfər edib

ETİHİ Xəzər Rayon Komitəsi tərəfindən 6 nömrəli internat məktəbində çalışan Həmkarlar İttifaqı üzvləri üçün Quba rayonuna səfər təşkil olunub.

Quba rayonunda olan ittifaq üzvləri bölgənin təbiəti ilə tanış olub, istirahət üçün ayrılan vaxtı xoş əhval-ruhiyyə ilə keçiriblər. Səfər iştirakçıların birlikdə vaxt keçirməsinə və yeni təəssüratlar əldə etməsinə şərait yaradıb.

İştirakçılar göstərilən diqqət və dəstəyə görə Azərbaycan Həmkarlar İttifaqları Konfederasiyasına və Azərbaycan Elm və Təhsil İşçiləri Həmkarlar İttifaqına minnətdarlıqlarını ifadə ediblər.

144 və 289 nömrəli körpələr evi-uşaq bağçalarının həmkarlar ittifaqı üzvləri Quba rayonuna səfər ediblər

144 və 289 nömrəli körpələr evi-uşaq bağçalarının əməkdaşları Quba rayonuna təşkil olunan səfərdə iştirak ediblər.

Quba səfəri kollektiv üzvləri üçün maraqlı anlarla yadda qalıb. Əməkdaşlar rayonun təbiəti ilə tanış olub, birlikdə vaxt keçirərək dincəlmək və xoş təəssüratlar qazanmaq imkanı əldə ediblər.

Kollektivlər səfərin təşkilinə göstərilən dəstəyə görə Azərbaycan Həmkarlar İttifaqları Konfederasiyasına və Azərbaycan Elm və Təhsil İşçiləri Həmkarlar İttifaqına minnətdarlıqlarını ifadə ediblər.

221 və 41 nömrəli körpələr evi-uşaq bağçalarının əməkdaşları Qəbələ rayonuna təşkil olunan səfərdə iştirak ediblər.

ETİHİ Xəzər Rayon Komitəsi tərəfindən 221 və 41 nömrəli körpələr evi-uşaq bağçalarında çalışan Həmkarlar İttifaqı üzvləri üçün Qəbələ rayonuna səfər təşkil olunub. Səfər zamanı ittifaq üzvləri Qəbələnin təbii gözəllikləri ilə tanış olub, rayonun müxtəlif məkanlarında olublar. Qəbələdə keçirilən gün kollektiv üzvləri üçün xoş əhval-ruhiyyə və maraqlı təəssüratlarla yadda qalıb.

Səfər iştirakçıları göstərilən diqqət və dəstəyə görə Azərbaycan Həmkarlar İttifaqları Konfederasiyasına və Azərbaycan Elm və Təhsil İşçiləri Həmkarlar İttifaqına minnətdarlıqlarını ifadə ediblər.

Xəzər rayonu 26 nömrəli tam orta məktəbin kollektivi Lənkəran rayonunda ekskursiyada olub

İttifaq üzvlərinin sosial rifahının yüksəldilməsi və asudə vaxtlarının səmərəli təşkili məqsədilə ETİHİ Xəzər Rayon Komitəsi tərəfindən Xəzər rayonu 26 nömrəli tam orta məktəbin kollektivi üçün Lənkəran rayonuna ekskursiya təşkil edilib.

Səfər iştirakçıları Lənkəranın zəngin təbiəti, özünəməxsus ab-havası və görməli məkanları ilə tanış olaraq maraqlı və mənalı istirahət keçiriblər. Ekskursiya kollektiv üzvlərinin birgə vaxt keçirməsinə, qarşılıqlı ünsiyyətin genişlənməsinə və əməkdaşlar arasında həmrəyliyin daha da güclənməsinə şərait yaradıb.

İştirakçılar göstərilən diqqət və qayğıya görə Azərbaycan Həmkarlar İttifaqları Konfederasiyasına və Azərbaycan Elm və Təhsil İşçiləri Həmkarlar İttifaqına təşəkkürlərini bildirərək, bu cür sosial layihələrin davamlı həyata keçirilməsini yüksək qiymətləndirdiklərini vurğulayıblar.

Mədəniyyət və Sənətkarlıq üzrə Bakı Dövlət Peşə Təhsil Mərkəzinin kollektivi üçün Quba rayonuna ekskursiya təşkil olunub

ETİHİ Xəzər Rayon Komitəsinin təşkilatçılığı ilə ittifaq üzvlərinin asudə vaxtlarının səmərəli təşkili məqsədilə Mədəniyyət və Sənətkarlıq üzrə Bakı Dövlət Peşə Təhsil Mərkəzinin kollektivi üçün 16 iyul tarixində Quba rayonuna ekskursiya təşkil olunub.

Ekskursiya çərçivəsində iştirakçılar Quba rayonunun füsunkar təbiəti və görməli məkanları ilə tanış olub, asudə vaxtlarını səmərəli və xoş əhval-ruhiyyə şəraitində keçiriblər.

Səfər iştirakçıları göstərilən diqqət və qayğıya görə Azərbaycan Həmkarlar İttifaqları Konfederasiyasına və Azərbaycan Elm və Təhsil İşçiləri Həmkarlar İttifaqına təşəkkürlərini bildirərək, bu cür sosialyönümlü layihələrin davamlı həyata keçirilməsini yüksək qiymətləndirdiklərini ifadə ediblər.

262 nömrəli tam orta məktəbin kollektivi Quba rayonuna təşkil olunmuş ekskursiyada iştirak edib.

262 nömrəli tam orta məktəbin kollektivi Azərbaycanın dilbər, səfalı və tarixi guşələrindən biri olan Quba rayonuna təşkil olunmuş ekskursiyada iştirak edib.

ETİHİ Xəzər Rayon Komitəsinin təşkilatçılığı ilə baş tutan səfər iştirakçılar üçün həm maraqlı, həm də yaddaqalan olub. Ekskursiya zamanı kollektiv üzvləri Quba rayonunun zəngin təbiəti, tarixi və görməli məkanları ilə yaxından tanış olaraq asudə vaxtlarını səmərəli keçiriblər.

Belə ekskursiyalar əməkdaşların istirahətinin təşkili ilə yanaşı, kollektiv üzvləri arasında ünsiyyətin möhkəmlənməsinə, həmrəylik ruhunun güclənməsinə və xoş təəssüratların formalaşmasına da töhfə verir.

Səfər iştirakçıları onlar üçün yaradılan bu imkana görə Azərbaycan Həmkarlar İttifaqları Konfederasiyasına və Azərbaycan Elm və Təhsil İşçiləri Həmkarlar İttifaqına təşəkkürlərini bildirərək, bu cür sosial layihələrin davamlı təşkil olunmasını yüksək qiymətləndirdiklərini qeyd ediblər

Quba istiqamətində növbəti ekskursiya 2 nömrəli ümumi təyinatlı internat tipli ümumtəhsil məktəbinin kollektivi üçün təşkil edilib

ETİHİ Xəzər Rayon Komitəsinin təşkilatçılığı ilə ittifaq üzvlərinin asudə vaxtlarının səmərəli təşkili məqsədilə 2 nömrəli ümumi təyinatlı internat tipli ümumtəhsil məktəbinin kollektivi üçün Quba rayonuna ekskursiya təşkil olunub.

Səfər çərçivəsində iştirakçılar Aynur Forest və Quba Qala istirahət mərkəzlərində olub, həmçinin Qəçrəş meşəsində yerləşən Asma körpüyə səfər ediblər. Ekskursiya iştirakçılara Qubanın füsunkar təbiəti ilə yaxından tanış olmaq, asudə vaxtlarını səmərəli keçirmək və yaddaqalan təəssüratlar qazanmaq imkanı yaradıb.

Səfər iştirakçıları onlar üçün yaradılan bu imkana görə Azərbaycan Həmkarlar İttifaqları Konfederasiyasına və Azərbaycan Elm və Təhsil İşçiləri Həmkarlar İttifaqına təşəkkürlərini bildirərək, bu cür sosial layihələrin əməkdaşların istirahətinin təşkili və kollektivlər arasında həmrəyliyin möhkəmləndirilməsi baxımından əhəmiyyətini yüksək qiymətləndirdiklərini qeyd ediblər.