Xəbərlər

ETİHİ Xəzər Rayon Komitəsinin təşəbbüsü ilə həmkarlar ittifaqı üzvləri üçün Quba rayonuna tur təşkil olunub

ETİHİ Xəzər Rayon Komitəsinin təşəbbüsü ilə həmkarlar ittifaqı üzvlərinin asudə vaxtlarının səmərəli təşkili məqsədilə Xəzər rayonu 234 nömrəli tam orta məktəbin həmkarlar ittifaqı üzvləri üçün Quba rayonuna yaddaqalan tur təşkil olunmuşdur.

Səfər çərçivəsində iştirakçılar Quba rayonunun füsunkar təbiəti ilə yaxından tanış olmuş, Qəçreş meşəsinin ecazkar mənzərələrini seyr etmiş, Çənlibel gölü, Mountain Breeze istirahət kompleksi və Qımılqazma yaylasında olmuşlar. Təmiz dağ havası, əsrarəngiz təbiət və səmimi ünsiyyət iştirakçılarda xoş təəssüratlar yaratmış, onların asudə vaxtlarının mənalı və səmərəli keçirilməsinə töhfə vermişdir.

Yüksək təşkilatçılıq səviyyəsində həyata keçirilən tur iştirakçılar tərəfindən böyük məmnunluqla qarşılanmışdır. Həmkarlar göstərilən diqqət və qayğıya görə Elm və Təhsil İşçiləri Həmkarlar İttifaqının rəhbərliyinə, həmçinin ETİHİ Xəzər Rayon Komitəsinə təşəkkürlərini bildirmiş, bu cür tədbirlərin kollektiv üzvləri arasında həmrəyliyin, dostluq münasibətlərinin və qarşılıqlı əməkdaşlığın daha da möhkəmlənməsinə mühüm töhfə verdiyini vurğulamışlar.

Xəzər rayonu 156 nömrəli tam orta məktəbdə ETİHİ-nin İlk Həmkarlar İttifaqı Təşkilatının hesabat-seçki yığıncağı keçirilib

Xəzər rayonu 156 nömrəli tam orta məktəbdə Elm və Təhsil İşçiləri Həmkarlar İttifaqının İlk Həmkarlar İttifaqı Təşkilatının hesabat-seçki yığıncağı keçirilib. Yığıncaq zamanı təşkilatın fəaliyyəti müzakirə olunub, görülən işlər barədə məlumat verilib və gələcək fəaliyyət istiqamətləri ətrafında fikir mübadiləsi aparılıb.

Tədbirin sonunda təşkilati məsələlərə baxılıb və səsvermənin nəticələrinə əsasən İlk Həmkarlar İttifaqı Təşkilatının sədri vəzifəsinə yeni sədr seçilib. Yeni sədrə gələcək fəaliyyətində uğurlar arzulanıb və həmkarlar ittifaqının fəaliyyətinin daha da gücləndirilməsi istiqamətində birgə əməkdaşlığın davam etdiriləcəyi bildirilib.

15 İyun – Milli Qurtuluş Gününə həsr olunmuş ekskursiya təşkil edilib

15 İyun Milli Qurtuluş Günü münasibətilə Elm və Təhsil İşçiləri Həmkarlar İttifaqının Xəzər Rayon Komitəsinin təşkilatçılığı ilə 156 nömrəli tam orta məktəbdə çalışan ittifaq üzvləri üçün Quba rayonuna ekskursiya təşkil olunub.

Ekskursiyanın məqsədi iştirakçıların asudə vaxtının səmərəli təşkili, vətənimizin zəngin tarixi-mədəni irsi ilə yaxından tanış olmaqdır. 

Ekskursiyada iştirak edən ittifaq üzvləri yaradılan şəraitə görə Təhsil İşçiləri Həmkarlar İttifaqı Respublika komitəsinə təşəkkürünü bildiriblər.

Xəzər rayonunun məktəblərində “Son zəng” tədbirləri keçirilib

Elm və Təhsil İşçiləri Həmkarlar İttifaqı Xəzər rayon komitəsinin sədri Nicat Cəlil və komitənin əməkdaşları Xəzər rayonunun 216, 121 və 26 nömrəli tam orta məktəblərində keçirilən “Son zəng” tədbirlərində iştirak ediblər.

Tədbirlər çərçivəsində Ümummilli Lider Heydər Əliyevin anadan olmasının 103 illiyinə həsr olunmuş “Ən yaxşı təqdimat” müsabiqəsinin qalibləri də mükafatlandırılıb. Müsabiqədə I, II və III yerləri tutan şagirdlərə diplom və mükafatlar təqdim olunub.

Çıxışlar zamanı məzunlar, müəllimlər və valideynlər əlamətdar gün münasibətilə təbrik edilib, onlara gələcək təhsil və həyat yollarında uğurlar arzulanıb. Həmçinin vurğulanıb ki, şagirdlərin əldə etdikləri bilik və bacarıqlar onların gələcək fəaliyyətlərində mühüm rol oynayacaq.

Xəzər rayonunda “Türk Dünyasına Səyahət” adlı tədbir keçirilmişdir

9 iyun 2026-cı il tarixində Xəzər rayonu 156 nömrəli tam orta məktəbdə “Türk Dünyasına Səyahət” adlı tədbir keçirilmişdir.

Tədbirdə Xəzər Rayon İcra Hakimiyyətinin rəhbərliyi və nümayəndələri, Azərbaycan Respublikası Elm və Təhsil İşçiləri Həmkarlar İttifaqı Xəzər Rayon Komitəsinin rəhbərliyi və nümayəndələri, Təhsil İdarəsinin əməkdaşları, millət vəkilləri , Türk dövlətlərinin Azərbaycandakı səfirləri və diplomatik nümayəndələri, eləcə də rayonun ziyalıları iştirak etmişlər.

Tədbir çərçivəsində Türk dünyasının zəngin tarixi, mədəni irsi, milli-mənəvi dəyərləri və ortaq kökləri nümayiş etdirilmiş, qardaş xalqlar arasında dostluq, birlik və əməkdaşlıq münasibətlərinin əhəmiyyəti vurğulanmışdır.

Çıxışlarda Türk dövlətləri arasında əlaqələrin daha da möhkəmləndirilməsinin, ortaq dəyərlərin gələcək nəsillərə aşılanmasının və qarşılıqlı əməkdaşlığın genişləndirilməsinin vacibliyi qeyd edilmişdir.

Uşaqların Beynəlxalq Müdafiəsi Günü qeyd olunub

340 nömrəli körpələr evi–uşaq bağçasında 1 İyun – Uşaqların Beynəlxalq Müdafiəsi Günü münasibətilə bayram tədbiri keçirilmişdir.

Tədbirin əsas məqsədi uşaqların hüquqlarının qorunmasının vacibliyini diqqətə çatdırmaq, onların sağlam, xoşbəxt və təhlükəsiz mühitdə böyümələrinin əhəmiyyətini vurğulamaq, eləcə də balacalara sevinc dolu bayram əhval-ruhiyyəsi bəxş etmək olmuşdur.

Tədbir zamanı uşaqlar şeirlər söyləmiş, rəqs nömrələri ilə çıxış etmiş, həmçinin müxtəlif yaradıcılıq və əl bacarıqlarını nümayiş etdirmişlər. Balacaların fəal iştirakı və yüksək əhval-ruhiyyəsi tədbirə xüsusi rəng qatmışdır. Bayram proqramı maraqlı oyunlar və əyləncəli fəaliyyətlərlə davam etmişdir.

Tədbirdə Elm və Təhsil İşçiləri Həmkarlar İttifaqı Xəzər Rayon Komitəsinin sədri Cəlil Nicat, 340 nömrəli körpələr evi–uşaq bağçasının müdiri Qənbərova Gülnar və ilk həmkarlar ittifaqı təşkilatının sədri Ələkbərova Balaxanım iştirak etmişlər. Çıxışlarda uşaqların hərtərəfli inkişafı, onların hüquqlarının müdafiəsi və xoşbəxt gələcəyinin təmin olunmasının cəmiyyətin əsas vəzifələrindən biri olduğu qeyd edilmişdir.

Tədbir uşaqların sevinc dolu anları, səmimi təbəssümləri və bayram əhval-ruhiyyəsi ilə yadda qalmışdır.

Ümummilli Lider Heydər Əliyevin xatirəsinə həsr olunan idman yarışlarının bağlanış mərasimi keçirilib

Mayın 26-da Azərbaycan Texniki Universitetinin İdman Sarayında Elm və Təhsil Nazirliyi ilə Elm və Təhsil İşçiləri Həmkarlar İttifaqı (ETİHİ) Respublika Komitəsinin birgə təşkilatçılığı ilə Ümummilli Lider Heydər Əliyevin anadan olmasının 103-cü ildönümünə həsr olunmuş idman yarışlarının bağlanış mərasimi keçirilib.

Mərasimdə ETİHİ Respublika Komitəsinin sədr müavini Mirzə Cəfərzadə, Elm və Təhsil Nazirliyinin Uşaq və gənclərin inkişafı siyasəti şöbəsinin müdiri, nazirliyin Həmkarlar İttifaqı Komitəsinin sədri Elnur Əliyev, ETİHİ Respublika Komitəsinin məsul əməkdaşları, eləcə də şəhər və rayon komitələrinin sədrləri iştirak ediblər.

Tədbirdə çıxış edən sədr müavini Mirzə Cəfərzadə turnirin əhəmiyyətini vurğulayaraq bildirib ki, bu cür layihələr təhsil ictimaiyyətində idman mədəniyyətinin inkişafına, idmanın kütləviləşməsinə və təhsil işçiləri arasında sosial əlaqələrin möhkəmləndirilməsinə mühüm töhfə verir. O, qalibləri təbrik edərək onlara gələcək fəaliyyətlərində uğurlar arzulayıb.

Qeyd edək ki, basketbol, voleybol, dama, mini-futbol və stolüstü tennis üzrə yarışlar Bakı şəhərinin ümumtəhsil və məktəbdənkənar təhsil müəssisələrinin, şahmat turniri isə respublikanın ümumtəhsil müəssisələrinin əməkdaşları arasında təşkil olunub. Bu yarışların keçirilməsində əsas məqsəd təhsil işçiləri arasında sağlam həyat tərzini təşviq etmək, onların asudə vaxtının səmərəli təşkilinə şərait yaratmaq, idmana marağı artırmaq, həmçinin kollektivdə birlik, həmrəylik və komanda ruhunu gücləndirməkdir.

Mərasimin sonunda müvafiq idman növləri üzrə həm komanda, həm də fərdi hesabda yüksək nəticələr göstərən iştirakçılar təltif ediliblər. Eyni zamanda, yarışların obyektiv, şəffaf və yüksək səviyyədə təşkilində xüsusi peşəkarlıq nümayiş etdirən hakimlərə mükafatlar təqdim olunub.

Heydər Əliyevin 103 illiyinə həsr olunan müsabiqədə Xəzər rayonunun şagirdi fərqləndi

Ümummilli Lider Heydər Əliyevin anadan olmasının 103 illiyinə həsr olunmuş “Ən yaxşı təqdimat” müsabiqəsində Xəzər rayonu 216 nömrəli tam orta ümumtəhsil məktəbinin XI “b” sinif şagirdi Babazadə Zəhranur III yerə layiq görülmüşdür.

Müsabiqədə ölkə üzrə ümumilikdə 3181 şagird iştirak etmiş, onların arasından 33 nəfər qalib müəyyən olunmuşdur. Qaliblərə diplom və hədiyyələr təqdim edilmişdir.

Müsabiqə Məktəbəqədər və Ümumi Təhsil üzrə Dövlət Agentliyi, Elm və Təhsil Nazirliyi, Heydər Əliyev Fondu, Yeni Azərbaycan Partiyası və Elm və Təhsil İşçiləri Həmkarlar İttifaqı Respublika Komitəsinin təşkilatçılığı ilə keçirilmişdir.

Təhsil işçisi Gülnarə Əzimovanın 65 illik yubileyi münasibətilə tədbir təşkil olunub.

ETİHİ Xəzər Rayon Komitəsinin təşkilatçılığı ilə 123 nömrəli məktəbin ilk Həmkarlar ittifaqı sədri və müəllimi Əzimova Gülnarə Əhədəli qızının 65 illik yubileyi münasibətilə tədbir keçirilmişdir.

Tədbirdə yubilyarın təhsil sahəsində səmərəli fəaliyyəti, uzunillik pedaqoji xidməti və həmkarlar ittifaqındakı fəal rolu yüksək qiymətləndirilmişdir.

Əzimova Gülnarə Əhədəli qızı yubileyi münasibətilə ETİHİ Xəzər Rayon Komitəsi tərəfindən fəxri fərman və qiymətli hədiyyə ilə təltif edilmişdir.

Elm və Təhsil İşçiləri Xəzər Rayon Komitəsində yeni sədr seçildi.

237 nömrəli tam orta məktəbdə Elm və Təhsil İşçiləri Həmkarlar İttifaqı Xəzər Rayon Komitəsinin növbəti iclası keçirilmişdir.

Tədbir Azərbaycan Respublikasının Dövlət Himninin səsləndirilməsi ilə başlamış, daha sonra vətən uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilmişdir.

İclas zamanı çıxış edən Həzərxan Əbilov Elm və Təhsil İşçiləri Həmkarlar İttifaqı Xəzər Rayon Komitəsinə yeni sədrin seçilməsinin zəruriliyini vurğulamışdır.

Keçirilmiş səsvermənin nəticələrinə əsasən Cəlil Nicat Cəlil oğlu Azərbaycan Respublikası Elm və Təhsil İşçiləri Həmkarlar İttifaqı Xəzər Rayon Komitəsinin yeni sədri seçilmişdir.

İclasda Azərbaycan Respublikası Elm və Təhsil İşçiləri Həmkarlar İttifaqı Respublika Komitəsi sədrinin müavini Turanə Kərimova iştirak etmişdir.

İclas qarşılıqlı fikir mübadiləsi və təşkilati məsələlərin müzakirəsi ilə davam etmişdir.

Ulu Öndər Heydər Əliyevin anadan olmasının 103-cü ildönümünə həsr olunan stolüstü tennis yarışı keçirilmişdir.

ETİHİ Xəzər Rayon Komitəsi tərəfindən Ulu öndər Heydər Əliyevin anadan olmasının 103-cü ildönümünə həsr olunmuş yarışlar davam edir. 12.03.2026-cı il tarixində 156 nömrəli tam orta məktəbdə, rayon məktəbləri arasında stolüstü tennis üzrə Xəzər rayon turniri təşkil olunmuşdur.

Yarış Azərbaycan Respublikasının Dövlət Himninin səsləndirilməsi ilə başladı. Daha sonra Ulu öndər Heydər Əliyevin və Şəhidlərimizin əziz xatirəsi bir dəqiqəlik sükutla yad edildi.

Gərgin və maraqlı mübarizə şəraitində keçən yarışın qalibləri aşağıdakı kimi müəyyənləşdi:

Qadınlar arasında:

I yer – Rəvanə Yılmaz 183 nömrəli tam orta məktəb.

II yer – Könül Əfəndiyeva Mədəniyyət və Sənətkarlıq üzrə Bakı Peşə Təhsil Mərkəzi.

III yer – Bədirə Rəhimova136 nömrəli tam orta məktəb.

Kişilər arasında:

I yer – Xəlil İsmayılov 2 nömrəli xüsusi internat məktəbi.

II yer – Elnur Məmmədov 183 nömrəli tam orta məktəb.

III yer – Tələt Ağayev Mədəniyyət və Sənətkarlıq üzrə Bakı Peşə Təhsil Mərkəzi.

Qalib komandalara diplomlar, kubok, medallar təqdim olundu.

Tədbir yüksək təşkilatçılıq səviyyəsində keçirildi və iştirakçılar tərəfindən böyük maraqla qarşılandı.

Xəzər rayonunda qadınlar arasında 3x3 basketbol turniri keçirildi.

ETİHİ Xəzər Rayon Komitəsi tərəfindən ümummilli lider Heydər Əliyevin anadan olmasının 103-cü ildönümünə həsr olunmuş silsilə yarışlar davam edir.

10 mart 2026-cı il tarixində rayon məktəblərinin qadın komandaları arasında 3x3 basketbol üzrə Xəzər rayon turniri təşkil olunub.

Yarış Azərbaycan Respublikasının Dövlət Himninin səsləndirilməsi ilə başlayıb. Daha sonra ümummilli lider Heydər Əliyevin və Vətən uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib.

Gərgin və maraqlı mübarizə şəraitində keçən yarışın qalibləri aşağıdakı kimi müəyyənləşib:

I yer – 183 nömrəli tam orta məktəb

II yer – 230 nömrəli tam orta məktəb

III yer – 216 nömrəli tam orta məktəb

Qalib komandalara diplomlar, kubok və medallar təqdim olunub.

Tədbir yüksək təşkilatçılıq səviyyəsində keçirilib və iştirakçılar tərəfindən böyük maraqla qarşılanıb.